Thursday, August 18, 2011

Graduate bansa Dayak diperansang masuk Gerempung Graduate Dayak Sarawak (SDGA)

  NR       Thursday, August 18, 2011



KUCHING: Presiden Gerempung Graduate Dayak Sarawak (SDGA) Dr Dusit Jaul minta semua graduate Dayak ba menua tu nyadi kaban gerempung nya.
Iya madahka SDGA diatu ti ngembuan lebih ari 800 iku kaban ba serata menua nyengkaum menua tasik nyadika pelasar graduate Dayak ngerapitka kaul sereta bekunsi penemu.
“Aku arapka pemayuh mensia enti sema kaban mayuh iya ulih ngeringka gerempung,” ku Dr Dusit ba pengawa makai terima kasih ke kaban komiti SDGA ke udah ngatur pengerami makai lemai dikena ngingatka gerempung nya udah manggai 10 taun ditumbuh.
Dusit mega madah gerempung nya nyadi palan komuniti lalu enda ngatika diri aja.
Iya mega nerangka penemu politik enggau bansa ti enda sebaka diseliahka ari gerempung nya ngambika enda ngachau pengawa gerempung ti deka ngangkatka pelajar ti manah ba pengidup bansa Dayak.
Dusit madahka raban garaduate ti deka ngerejister diri nyadi kaban gerempung ulih ngereja pengawa nya nengah ruai siber www.sarawakdga.org.my.
“Nya alai diatu nadai kebuah bala graduate ke diau ba luar Sarawak enda ulih ngerejister diri nyadi kaban gerempung,” ku iya.
Berebak enggau tu iya mega madahka Menteri Besai Datuk Seri Najib Tun Razak ngansak pegawai opis perintah chakah agi masuk gerempung ti meri penguntung ngagai komuniti.
SDGA ti ngemeratka pekara pelajar ku iya, udah ngatur lebih ari 40 bengkah program beberapa taun ke udah ba serata nengeri berengkah ari Bau nyentuk ke Limbang.
“Aku meri kelala konsep 4B iya nya Building Bridges, Breaking Barries,” ku Dr Dusit.
Kena neruska konsep nya ku iya, SDGA deka lebih chakah agi ngaul mensia mayuh.
Iya madahka program besai benung diperambu lalu deka diatur taun tu.
Berebak enggau tu mega Dr Dusit madahka SDGA deka bejalai ngagai Lubok Antu iya nya sebengkah outreach programme dikena betemu lalu madah ngagai raban apai indai iya nya pemesai guna pelajar ungkup nembiak rebak baru.
Nambahka nya iya madahka SDGA mega meri sukung ngagai semua program ti diatur Gerempung Ukai Dikuasa Perintah (NGO) baka program ti diatur Sarakup Indu Dayak Sarawak (SIDS).
SDGA mega bisi nyendiaka Wang Turu, diatu benung nganti pemutus ti ke penudi ari luyar pasal atur nya.
“Dana tu dipelabaka berengkah dipejalaika taun baru,” ku Dr Dusit.
- UB
logoblog

Thanks for reading Graduate bansa Dayak diperansang masuk Gerempung Graduate Dayak Sarawak (SDGA)

Previous
« Prev Post

No comments: