Friday, March 09, 2012

Pemutus Peresa STPM Bedau Jauh Berubah, Calon Patut Teulihka 4P

Dikarang Ulih: Nicholas Igat Rekan


Terima Kasih ngagai kita semua ti macha karang aku tu. Keterubah ia minta ampun engka penemu aku tu enda sebaka enggau pegawai ari PPD tauka pengajar ba sekula. Pia mega Bahasa Iban aku tu enda entu ngena, baru belajar ko kitai. 

STPM 2012 Berubah

Ba taun 2012 tu, atur STPM udah diubah lalu badu agi 100% ari peresa betulis baka STPM ke dulu. STPM ke baru ianya “Pentaksiran Berasaskan Sekolah dan Peperiksaan Akhir Berpusat” dalam jaku Bahasa Melayu.

Pentaksiran tu ngena dua bengkah chara. Sepemanjai kira 1 Tahun ½ belajar ba pom 6, Pentaksiran Berasaskan Sekolah (PBS) enggau markah 20 – 40 % enggau Peperiksaan Akhir Berpusat ti ngembuan markah 60 – 80 % dikena nentuka calon STPM tu tadi lulus. 

Ba atur ke baru tu aku bedau ka mantaika runding diri semina aku ngarapka nadai agi Guru Sandaran diasuh ngajar pom 6. Pengajar ke ngajar pom 6 patut diberi ngagai pengajar ti ngembuan pengalaman mengajar tauka sekurang-kurangnya bisi major tauka minor ba bidang ke diajar. Chunto: Pengajar subjek Geografi patut diberi ngagai pengajar ke bisi pengelandik tauka pengalaman ngajar geografi sebedau tu tauka sida bidang major/minor pengajar nya. 

Ba penemu aku ngena chara modul atur STPM ke baru lebih mudah enti dibanding atur lama STPM mina exam hujung tahun. Dia mega pom 6 ulih narit ati bala anembiak ke baru nampung ba peringkat pelajar tu. 

Pom 6, STPM
Diatu chukup nyamai masuk pom 6. Mayuh sekula nyau udah bisi pom 6 lalu penyampau tu deka ditambah ba taun ti baru. Ila-ila dipelabaka genap sekula secondary ba semua daerah bisi pom 6.

Syarat masuk 5 Kredit paling minimum semua anembiak ulih masuk. Kati semina 3,4 iti kredit aja deh? Kredit 3,4 iti ba SPM pan ulih enti amat-amat deka nampung pelajar. Semina nulis surat rayuan. Engka bulih ba intake ke-2 tauka intake ke-3.

STPM 2011
Kitai meda Purata Nilai Gred Keseluruhan (PGNK) dulu. Dia PGNK ba taun tu enda entu jauh berubah ianya 2.22 bebanding 2010 (2.32) enggau 2009 (2.33).

Ngelansa pemutus peresa STPM ba setiap nengeri Ba taun 2010 nurun 1.66% ari 90.17% (2009) ngagai 88.51% ba taun 2010.

Nibuh aku ngambi chunto ke bukai, ba Sarawak aja bisi 6,017 calon STPM taun 2011 nyin tadi. Semina 2,149 calon bulih (4-5P). Reti ia 3,868 calon STPM di Sarawak ti semina teulihka (1-3P) udah tipis peluang nyambung ngagai degree ba IPTA, tauka enggau jaku ti nyemetak agi didinga sigi enda bulih IPTA.

Ubah Runding Pom 6 Patut Lulus 4P, Pointer >2.5

Pengajar serta anembiak patut ngubah runding ke baru. Ba pom 6 enda ulih disebaka enggau pom 5 ke dulu. Enti pom 5 lulus nya reti ia manah, tang kredit ke digiga enda pia?

Tang ba penemu aku,  perintah enda ulih ngeletak lulus pemadu kurang 1 Prinsipal nya lulus penuh dipandangka ba newspaper madahka peratus lulus taun tu bisi meningkat ari taun ke udah nya udah manah. Ba penemu aku 4P baru ia lulus penuh lalu ba dia peningkatan ke patut  dianalisis. Nama kebuah pia deh?

1P dini alai nganjung? Enti nyadi guru sandaran pan dipadah ke ngena gaji SPM. 1P,2P,3P minta ampun enda ibuh ngayah ke duit bebelika no pin enggau orang ngisi UPU tauka minta Maktab, ukai rejeki. Ka pan enda nyelinting universiti / kolej swasta ti deka nampung degree. Enggai enda ga nyambung ba perintah, enggai enda pan nitih ripih ngambi Sijil tauka Diploma ngena SPM ke dulu. *Taja pia bisi chara ke bukai alai nuan nampung pelajar nyema nuan enda ulih ke peringkat Ijazah (Degree) ba IPTA.

4P udah chukup manah? Saut ia MANAH. Berapa pointer? Lebih 2.5? Anang enda ingat penyampau orang ke ngambi STPM, orang ke ngembuan Diploma, ari Matrikulasi bela minta DEGREE.

STPM nuan 4P pan bedau temu nuan bulih IPTA. Dikeingat ke nuan nya. Nya kebuah lebuh nuan milih pom 6 nuan patut nemu matlamat serta juluk ati nuan. Nya kebuah baka AF ga udah ambis pom 6 tu bisi elimination, sekeda nyambung belajar baru, sekeda nangka pom 6 aja. Tang orang ke sigi amat ka belajar, enda ngira semua nya manah tauka enda, bisi jalai ke bukai ulih nyapai juluk ati.

Ngisi UPU
Nya kebuah lebuh nuan ngisi UPU, 10 iti ke diisi nya kadang-kadang enda nyangkut. Diberi tawaran ngagai bidang bukai ia ke enda dipinta baka Cinematography, Sains Sosial, Komunikasi, Teknologi Maklumat, enggau utai bukai. Minta ampun ukai aku nyema bidang tu enda manah. Dia aku meda sekeda minta program ke bukai tang bulih utai ke enda dipinta. Bidang ke kurang market diberi ngagai sekeda ti kadang-kadang enda patut. Chunto: STPM Bulih 2A, 2B. Ba 10 iti program ke dipinta program pendidikan enggau bidang bukai tang bulih ba Unimas bidang Cinematography ia ke nadai dipilih ba 10 ke diisi. 

Ka minta bidang pendidikan bisi ujian MEdSI sebedau nya endang sigi amat. Nya kebuah anembiak patut diajar ngisi UPU. Ka minta nyadi pengajar, tajapan STPM nuan nya tadi manah, tang nuan mesti nemu sida mega meda SPM. BM, Math mesti kredit. BI mesti lulus (Kredit lebih manah). Enti Math nuan ba SPM fail tauka enda kredit peluang nya amat tipis. 

Nya kebuah ba 10 iti peminta nuan ngisi UPU, enti nuan nya tadi bansa DAYAK, nemu patut nemu pengurang diri. Ni universiti ke patut dipilih, peda syarat universiti, standard serta ranking ia. Peda program ke patut diambi nitihka aliran (Sastera tauka Sains), results STPM serta SPM nuan.

Dalam bulan tu kami KRU Pengajar (dot) Info mantu anembiak SPM / STPM meri penemu, nulung ngajar chara ngisi UPU / Maktab. Dalam kadang dua tahun tu mega kami bisi udah betemu enggau beberapa iku apai indai kelebih agi serumah panjai, bala diri empu, bekas pelajar serta sapa-sapa aja ti minta bantu penerang senentang pelajar tu kami sedia bekunsi enggau kita. Email aku pan nyau penuh enggau nama-nama pensyarah Unimas laban ke nulung sida ngisi ngena email aku, nya kebuah bisi 4 email.

Ba taun tu aku udah minta pemendar Pengurus Pusat Jalur Lebar Komuniti Bintulu nginjau palan endur mantu nuan ngisi peminta nampung belajar ba universiti / kolej ke dipilih ngena chara online. (Laban ke diatu majoriti ngena chara online).

Kami meri penerang enggau pechuma (nadai bebayar) laban kami enggai nuan tinggal dalam pelajar kelebih agi ngagai bansa Iban enggau orang ti enda nemu guna komputer.

Penerang ke silik kita tau betanya enggau Nicholas Igat Rekan nengah Facebook (Message) tauka SMS aku ba lumor 0138005089 (Telefon jarang disaut). Kami sedia betemu enggau apai indai / nembiak kebelih agi ba pelilih menua Bintulu. Dijangka pun bulan 4, kira-kira 3-6/04/2012 kami mega bisi ba Miri.

Igat: Dia aku sinu meda bansa kitai kelebih agi mudah terpengaruh. Boucher / Surat ari kolej / Universiti ke datai ngagai rumah dikumbai sida ia bulih tawaran belajar. Sekeda mudah keliru kolej / Universiti bisi cap UPM, UiTM, enggau cap IPTA ke bukai. (Penerang pasal program Kerjasama MoA Kolej Swasta & IPTA ). Sekeda program nadai ngembuan MQA. Meda iklan bisi diberi laptop, pendrive alu ka masuk. Meda kaban ka minta nurse (misi) ka minta laban ti ka begulai. Pengelandik, Minat, Peluang Kerjaya patut ditemu ba program ke dipilih. Enti kitai kurang ba pelajar, pilih meh ba kemahiran nitihka pengawa ke ka dikereja dudi hari.

Sekeda jalai (laluan) ke dikunsika kami;

STPM – Degree
STPM – Foundation – Degree
STPM – HND – Degree
STPM – Niosh Certificate – Degree
STPM – MVLK – Degree
STPM – Poli / ILP / ADEC / IKM, Giat Mara
STPM – Diploma (IPTA) – Degree
STPM – Diploma (IPTS) - Degree
STPM – SPA, JobsMalaysia, e-recruitment
STPM – Gawa 2 Tahun – Eksekutif Program

Program-program ke bukai baka KEMAS, Kolej Komuniti, Program / Kursus Pendek, Program Latihan 1Malaysia dsb..

No comments:

Related Posts Plugin for WordPress, Blogger...