Monday, June 11, 2012

Emas Ak Runin Kumang Gawai SK Poyut, Marudi 2012

  NR       Monday, June 11, 2012

MARUDI: Emas anak Runin, 20 taun bulih gelar Kumang Gawai SK Poyut Marudi ke diatur PIBG SK Poyut, ba balai Sereba guna sekula nya bedau lama ke udah.

Pekit Kumang Gawai nya dipenyadika SAO Siti Rohannie Yusof ngarika Sapit Menteri Dagang Antarabansa enggau Industri ti mega MP Baram, Dato Jacob Dungau Sagan.

Rose Endong Antok, 19 taun bulih tempat kedua seiku nembiak indu ke mengkang besekula ba tikas pom enam.

Tempat ketiga pulai ngagai Retiche Damai Balan, 18 taun ari Sg Poyut A, lalu semua sida pulai mai perais duit tunai, tropi enggau selampai.

Malam nya mensia mayuh mega teperindang enggau dua iku artis Iban iya nya Gilbert Gaong enggau Jessica Timah ke mai lagu Udah Laun Nuan Nesal, udah mujur matak lebih ari 1,000 iku orang ari rumah panjai ke besemak dia.

- UB
logoblog

Thanks for reading Emas Ak Runin Kumang Gawai SK Poyut, Marudi 2012

Previous
« Prev Post

No comments: